жергілікті ресурстар

(Местные ресурсы)

ұрыс қимылдары ауданында (аймағында) орналасқан, әскерлердің (күштердің) өзінің қажетіне жарата алатын материалдық және адам ресурстары. Материалдық ресурстарға азық-түлік, отын, шикізат, жөндеу кәсіпорындары, энергетикалық қуаттылық, емдеу мекемелері, байланыс құралдары, көлік және т.б. жатады. Жергілікті адам ресурсын ұрыс қимылдарына қажетті жұмыстарды орындауға қатыстырылатын тұрғындар құрайды. Ж.р-ды пайдалану операцияны (ұрысты) қамтамасыз етуді жеңілдетеді және жүк тасымалдау жұмыстарының көлемін қысқартады. Өткен соғыстардың бәрінде де соғысушы жақтар Ж.р-ды кеңінен пайдаланған. Бірінші дүниежү-зілік соғыста соғысушы мемлекеттердің армиялары Ж.р-ды пайдаланудың негізгі тәсілі ретінде реквизицияны және жергілікті тұрғындарды жұмысқа күштеп қатыстыруды пайдаланса, Екінші дүниежүзілік соғыста бұл әдістер арнайы нұсқаулармен заңдастырылды. Ұлы Отан соғысы кезеңінде Ж.р. операцияны (ұрысты) дайындау және жүргізу барысын-да қолданылды. Өндірістік кәсіпорындар әскерлерді (күштерді) жабдықтау құралдарын дайындады, қару-жарақты, әскери техниканы және әр түрлі мүліктерді жөндеу жұмыстарын атқарды.